Yuxarı
    Bağlamaq

    ​Səudiyyə Ərəbistanının Tehrandakı səfirliyinə hücumda şübhəli bilinən 22 nəfər barəsində iş qaldırılıb

    Tehran şəhər prokuroru: Bu cinayət işi tamamlanmaq üzrədir və tezliklə məhkəməyə göndəriləcək

    Bakı. 9 mart. REPORT.AZ/ Səudiyyə Ərəbistanının Tehrandakı səfirliyinə hücumda şübhəli bilinən 22 nəfər barəsində cinayət işi açılıb.

    "Report" İran KİV-inə istinadən xəbər verir ki, bunu Tehran şəhər prokuroru Abbas Cəfəri-Dövlətabadi bildirib. Onun sözlərinə görə, bu cinayət işi tamamlanmaq üzrədir və tezliklə məhkəməyə göndəriləcək.

    Qeyd edək ki, yanvarın 2-də Səudiyyə Ərəbistanının Tehrandakı səfirliyinə hücum edilib və yandırılıb. Hücum edənlər Səudiyyə Ərəbistanında Nimr əl-Nimrin edam edilməsinə etiraz olaraq, bu addımı atdıqlarını bildiriblər. Bundan başqa, krallığın Məşhəddəki konsuluğunun binasına da basqın edilmiş, yanğın törədilmişdi.

    Xatırladaq ki, yanvarın 2-də edam olunan Nimr əl-Nimr kütləvi etiraz aksiyaları keçirmək və iğtişaşları törətmək ittihamı ilə 2012-ci il iyulun 8-dən Krallıqda həbsdə saxlanılıb. Məhkəmənin edam qərarı isə 2014-cü ilin oktyabrında çıxarılıb Yanvarın 2-də Səudiyyə Ərəbistanında onunla yanaşı, daha 46 nəfər terrorizmdə və ya terrora yardım göstərməkdə ittiham edilərək edam olunub. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi