Bakı. 2 sentyabr. REPORT.AZ/ Sentyabrın 3-də Özbəkistanın Səmərqənd şəhərinin hava limanına bütün uçuş və enişlər bağlı olacaq.
"Report" RİA "Novosti"yə istinadən xəbər verir ki, bu barədə ABŞ-ın Mülki Aviasiya İdarəsi məlumat yayıb.
"Hava limanına bütün uçuş və enişlərin bu tarixdə bağlanması rəsmi olaraq təsdiqlənib. Bu tarix üçün əvəllki icazələr təxirə salınıb", - idarə bildirib.
Xatırladaq ki, Səmərqənd Özbəkistan prezidenti İslam Kərimovun anadan olduğu şəhərdir. "Reuters"in məlumatına görə o, bu gün vəfat edib. İslam Kərimovun bu şəhərdə dəfn ediləcəyi gözlənilir.