Yuxarı
    Bağlamaq

    Səlahəddin Dəmirtaş: "Biz AKP ilə bir koalisiyada olmayacağıq"

    Partiya sədri: HDP olaraq xalqın çiynimizə qoyduğu vəzifə və məsuliyyətin fərqindəyik

    Bakı.9 iyun. REPORT.AZ/ İyunun 7-də keçirilən parlament seçkilərində 13,12% səs alaraq, Türkiyə Böyük Millət Məclisində 80 deputat yeri qazanan Xalqların Demokratik Partiyasının (HDP) lideri Səlahəddin Dəmirtaş koalisiya hökuməti ilə bağlı açıqlama verib.

    "Report" xəbər verir ki, bu haqda Türkiyə KİV-i məlumat yayıb.

    Jurnalistin "Koalisiya ilə bağlı Ədalət və İnkişaf Partiyası (AKP), yaxud başqa bir partiyaya dəstək verməyi düşünürsünüzmü" sualına cavabında S.Dəmirtaş deyib: "Baş verənlərin hamısını dəyərləndirəcəyik. Seçkinin nəticələrinə dair gələcək planlarımızı müzakirə edəcəyik. Üzərimizə düşən məsuliyyəti, yükün ağırlığını bilirik. Türkiyədə xaos, gərginlik, etimadsızlıq, qeyri-sabitliyin yaranmasına yol verməyəcəyik. İndiki vəziyyətdə qəti qərarımız budur: Biz AKP ilə bir koalisiyada olmayacağıq. Başqa cür koalisiya ortaya çıxarsa, onu da müzakirə edəcəyik. Əslində, cəmiyyət seçkidə birinci və ikinci yerə çıxan partiyalara bu məsuliyyəti verib. HDP olaraq xalqın çiynimizə yüklədiyi vəzifə və məsuliyyətin fərqindəyik. Bu yükü daşıyacağımızı hamının bilməsi lazımdır".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi