Yuxarı

Səfir: "ABŞ-ın Türkiyədə baş verən hadisələrlə heç bir əlaqəsi yoxdur"

Yan Kelli: ABŞ Türkiyənin demokratik yolla seçilmiş hökumətini dəstəkləyir

Bakı. 18 iyul. REPORT.AZ/ "ABŞ-ın Türkiyədə baş verən hadisələrlə heç bir əlaqəsi yoxdur".

"Report" "Qruziya-Online" portalına istinadən xəbər verir ki, bunu jurnalistlərə açıqlamasında ABŞ-ın Gürcüstandakı səfiri Yan Kelli deyib.

Diplomatın sözlərinə görə, ABŞ dövlət katibi Con Kerri türkiyəli həmkarı ilə danışıb və ona hərbi çevriliş cəhdinin istintaqında Vaşinqtonun kömək etməyə hazır olduğunu söyləyib.

"ABŞ Türkiyənin demokratik yolla seçilmiş hökumətini dəstəkləyir. Biz bu üsyanın təşkilatçılarını üzə çıxarmaq üçün hərtərfli araşdırmanın aparılmasının tərəfdarıyıq. Bu məsələdə Türkiyəyə kömək etməyə hazırıq", - deyə Y.Kelli bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi