Yuxarı
    Bağlamaq

    Sankt-Peterburqda vətəndaşları terror törətməyə cəlb etməkdə şübhəli bilinən 6 nəfər tutulub

    Rusiya İstintaq Komitəsi: Hazırda onların metroda terror aktını törədənlə əlaqələrinin olmasına dair heç bir sübut yoxdur

    Bakı. 5 aprel. REPORT.AZ/ Sankt-Peterburqda Rusiya vətəndaşlarını terror törətmək məqsədilə ələ alan 6 nəfər şübhəli şəxs qismində tutulub.

    “Report” TASS-a istinadən xəbər verir ki, bu barədə Rusiya İstintaq Komitəsinin mətbuat xidməti məlumat yayıb. 

    Xəbərdə bildirilib ki, Orta Asiya respublikalarından olan həmin şəxslər Rusiyaya işləmək üçün gəliblər və 2015-ci ilin noyabrında Sankt-Peterburqda “Cəbhəte ən-Nusra” və İŞİD-ə cəlb edilməsi istiqamətində fəaliyyət göstəriblər.

    Məlumata görə, Rusiya Federal Təhlükəsizlik Xidməti, Daxili İşlər Nazirliyinin regional idarələri və Qvardiyanın xüsusi təyinatlı yerli dəstəsi birlikdə bu il aprelin 5-də 6 şübhəlinin tutulması ilə bağlı əməliyyat-axtarış tədbirləri keçirib.

    Xəbərdə onların bütün əlaqələrinin yoxlanıldığı qeyd olunub: “Hazırda şübhəlilərin Sankt-Peterburq metrosunda terror aktını törədənlə əlaqələrinin olmasına dair heç bir sübut yoxdur”.

    Qeyd edək ki, aprelin 3-də Sankt-Peterburq metrosunda törədilən terror nəticəsində 14 nəfər ölüb, 51 nəfər yaralanıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi