Bakı 22° C
https://static.report.az/photo/5689e9ef-ebfb-4864-9855-6285416c4006.jpg
Bakı. 20 aprel. REPORT.AZ/ Sankt-Peterburq metrosunda törədilən terrorun sifarişçisinin şəxsiyyəti müəyyənləşib.
“Report” RİA "Novosti”yə istinadən xəbər verir ki, bunu Rusiya Federal Təhlükəsizlik Xidmətinin direktoru Aleksandr Bortnikov bildirib.
Məlumata görə, terror aktı ilə bağlı 10-a yaxın adam tutulub. Aprelin 18-də metroda törədilən terrorun təşkilatçılarından biri olmaqda şübhəli bilinən Əbror Əzimovun məhkəməsi başlayıb.
Qeyd edək ki, Sankt-Peterburq metrosunda terror hücumu törətməkdə Akbarjon Cəlilov şübhəli bilinir.
RBK-nın verdiyi məlumata görə, Sankt-Peterburqda terroru törədənlərə terrorçu İŞİD qruplaşmasının “Əbu Cihad” ləqəbli ideoloqu təbilğatı ilə təsir göstərib. İslam Atabiyev (“Əbu Cihad”) 1983-cü ildə Qaraçay-Çərkəz Respublikasında anadan olub. O, Misirin Əl-Əzhər Universitetində təhsil alıb, 2011-ci ildən isə Suriya ərazisindədir. İ.Atabiyev İŞİD-in əsas ideoloqlarından sayılır: “O, şəxsən terror aktı planlaşdırmır. Ancaq imanla bağlı videoçarxlar yazaraq onun vacibliyinə inandırır”.
Xatırladaq ki, Rusiya İstintaq Komitəsi özünü "Sennaya meydanı" - "Texnologiya İnstitutu" stansiyaları arasında metronun dördüncü qatarında partladan A.Cəlilovun terrorçu-kamikadze olduğunu bildirib. İlkin məlumata görə, elə o, "Dirçəliş meydanı" stansiyasına bomba yerləşdirib. Terror aktı nəticəsində 15 nəfər ölüb, 50-dən çox insan yaralanıb.
