Yuxarı

​Rusiyanın Xəzər hərbi donanması yeni silah və hərbi texnika alacaq

10-dan artıq ədəd hərbi texnikanın, o cümlədən, raketdaşıyıcı və keşikçi gəmilər, həmçinin sualtı qayıqların alınması nəzərdə tutulur

Bakı. 9 oktyabr. REPORT.AZ/ Rusiyanın Qara dəniz və Xəzər hərbi donanmaları10-dan artıq yeni silah və hərbi texnika, o cümlədən, raketdaşıyıcı və keşikçi gəmiləri, həmçinin sualtı qayıqlar alacaq.

"Report" "RİA Novosti"yə istinadən xəbər verir ki, bu barədə Rusiyanın Cənub Hərbi dairəsinin mətbuat xidmətindən bildirilib.

"Qara Dəniz və Xəzər hərbi donanmalarının tərkibinə 10-dan artıq ədəd hərbi texnikanın, o cümlədən, "Admiral Grigoroviç" və "Admiral Essen" keşikçi gəmiləri, "Zelyonı Dol" və "Serpuxov" kiçik raketdaşıyıcı gəmiləri, həmçinin patrul və çoxtəyinatlı gəmilər, "Krasnodar" sualtı qayığı, Ka-27m helekopteri və digər avadanlıqların alınması nəzərdə tutulur", - məlumatda deyilir.

Xatırladaq ki, oktyabrın 7-də Rusiya gəmiləri Xəzər dənizindən Suriyadakı "İslam Dövləti" mövqelərinə 26 atəş zərbəsi endirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi