Rusiyanın İrandakı səfirlik binasının yerləşdiyi ərazinin divarına yük avtomobilinin çarpılması nəticəsində 1 nəfər ölüb, 5 nəfər yaralanıb.
“Report” "Mehr" agentliyinə istinadən xəbər verir ki, hadisə iyulun 5-də səhər saatlarında olub.
Bildirilib ki, betonqarışdıran avtomobil Rusiya səfirliyinin küçə divarının yaxınlığında “Pride” və “Peugeot” markalı minik maşınları ilə toqquşub. Hadisə nəticəsində yük avtomobilinin sürücüsü ölüb, “Pride”dəki 5 sərnişin yaralanıb, səfirliyin bağ divarı uçub. Yaralılar xəstəxanaya yerləşdiriliblər.
Faktla bağlı araşdırma aparılır.