​Rusiyanın Ermənistandakı tankçıları təlimə başlayıb

Bakı. 24 fevral. REPORT.AZ/ Rusiya Cənub Hərbi Dairəsinin tankçıları fevralın 24-də Ermənistandakı "Alagəz" poliqonunda təlimə başlayıb.

"Report" Ermənistan KİV-inə istinadən xəbər verir ki, bu haqda Cənub Hərbi Dairəsinin mətbuat xidməti məlumat yayıb.

Məlumata görə, təlim "Т-72B" tankları ilə keçirilir. Bu tədbirə yüzdən çox hərbçi cəlb edilib.

Təlim dəniz səviyyəsindən iki min metr yüksəklikdə keçirilir.