Rusiyanın Ermənistandakı səfirliyinin ərazisində kişi meyiti aşkarlanıb

Bakı. 5 sentyabr. REPORT.AZ/ Rusiyanın Ermənistandakı səfirliyinin ərazisində kişi meyiti aşkar edilib.

"Report" "news.am"a istinadən xəbər verir ki, bunu Ermənistan polisinin mətbuat xidməti təsdiqləyib.

İnformasiyaya görə, ölən kişi 52 yaşlı Andrey Smirnov Rusiya vətəndaşıdır. Məlumata əsasən, o, səfirliyin ərazisində yaşayırmış.

Məhkəmə tibbi ekspertizasının ilkin qənaətinə görə meyitin üzərində zorakılıq halı müşahidə edilməyib.