Rusiyalı snayperlər Ermənistandakı bazada təlim keçib

Bakı. 10 sentyabr. REPORT.AZ/ Rusiyanın Ermənistanda yerləşən Cənub Hərbi Dairəsinin (CHD) snayper bölməsinin hərbi qulluqçuları təlimlər keçiblər.

"Report" Ermənistan KİV-inə istinadən xəbər verir ki, taktiki-xüsusi təlimlər "Kəmxud" yüksək dağlıq poliqonunda baş tutub.

Snayperlər şərti düşmənin canlı qüvvəsini və yüngül zirehli texnikasını məhv ediblər.

Təlimlərdə, ümumilikdə, 100-dən çox hərbi qulluqçu iştirak edib.