Bakı. 29 sentyabr. REPORT.AZ/ Rusiyanın Yekaterinburq şəhərində tanınmış müğənnilər Leonid Aqutin və Anjelika Varumun konsert proqramı yarımçıq dayandırılıb.
"Report"un TASS-a istinadən verdiyi xəbərə görə, bu barədə sənətçilərin qastrolunun konsert direktoru Tatyana Larina bildirib.
Onun sözlərinə görə, sentyabrın 29-da "Kosmos" teatrında müğənnilərin konserti zamanı binaya bomba qoyulması barədə məlumat daxil olub: "Biz binanın minalanmasına dair xəbəri təsdiq edirik. Anjelika Varum, Leonid Aqutin və tamaşaçılar evakuasiya edilib. Müğənnilər maşındadırlar və "Kosmos" teatrına qayıtmaq üçün icazə ğözləyirlər. Onlar konsert proqramının yalnız 1 saat 20 dəqiqəsini nümayiş etdirə bildilər".