Bakı. 28 dekabr. REPORT.AZ/ Rusiyanın qəzaya uğramış “Tu-154” təyyarəsinin ikinci “qara qutu”su Qara dənizin dibindən çıxarılıb.
“Report” TASS-a istinadən xəbər verir ki, bu məlumatı Rusiya Müdafiə Nazirliyi mətbuat xidməti yayıb.
Qeyd edək ki, təyyarərədə üç “qara qutu” olub. Onların biri dekabrın 27-də çıxarılıb. Daha bir qutu hələ də aşkarlanmayıb.
Xatırladaq ki, dekabrın 25-də səhər saatlarında Suriya istiqamətində gedən Rusiya Müdafiə Nazirliyinə məxsus "Tu-154" təyyarəsi Qara dənizin üzərindən uçarkən qəzaya uğrayıb. Nazirliyin məlumatına görə, təyyarənin göyərtəsində 92 nəfər - 8 ekipaj üzvü və 84 sərnişin olub.