Bakı. 7 mart. REPORT.AZ/ Rusiya Dövlət Duması birinci oxunuşda adların qeydiyyatı zamanı rəqəmlər, simvollar və ya onların istənilən kombinasiyası, abbreviaturalar, vəzifələr, ranqlar və ədəbi dilin normalarına uyğun olmayan sözlərdən istifadə edilməsini qadağan edən qanun layihəsini qəbul edib.
Bu barədə "Report" RİA "Novosti"yə istinadən xəbər verir.
Qeyd edək ki, cari qanunvericilik valideynlərə uşağa ad seçimində tam azadlıq verir.
Qanun layihəsinin müəllifi BOÇ rVF 260602 (Bioloqiçeskiy obyekt çeloveka roda Voroninıx - Frolovıx, doğum tarixi 26 iyun 2002-ci il - red.) adlı oğlanı nümunə gətirib. Bu oğlan hələ də sənədsiz yaşayır. Belə ki, məhkəmə Moskva VVAQ idarəsinin uşağı belə adla qeydiyyata salmamaq qərarını dəstəkləyib.