Rusiyada neft bazasında yanğın baş verib, 5 nəfər yaralanıb

Rusiyanın Krasnodar diyarının Novorossiysk şəhərindəki "Qruşovaya" neft bazasında yanğın baş verib.

"Report" RİA "Novosti"yə istinadən xəbər verir ki, təxminən, 200 kvadratmetr ərazidə lokallaşdırılan yanğın zamanı 5 nəfər yaralanıb.

Rusiya Fövqəladə Hallar Nazirliyinin yaydığı məlumatda yanğının saxlanc anbarlarında odla iş zamanı meydana gəldiyi bildirilib.

"Kommersant"ın yazdığına görə, yanğın neft məhsullarının saxlanması üçün nəzərdə tutulmuş yeraltı anbarda baş verib.