​Rusiyada iki gün ərzində 350 ton qadağan olunmuş məhsul məhv edilib

Bakı. 07 Avqust. REPORT.AZ/ Rusiyada iki gün ərzində 350 ton qadağan olunmuş məhsul məhv edilib.

"Report" xəbər verir ki, bu barədə Rusiya Baytarlıq və Fitosanitar Nəzarət Federal Xidmətinin məlumatında bildirilir.

Məhv edilən məhsulların 312 tonu bitki, 36 tonu isə heyvan mənşəli olub.

Federal Xidmət 6-7 avqust tarixlərində 290 ton qadağan olunmuş məhsulun məhv ediləcəyini bəyan etsə də, zərərsizləşdirilən məhsulların həcmi daha çox olub.