Rusiya və Türkiyə yeni aviareyslər barədə razılığa gəlib

Bakı. 22 dekabr. REPORT.AZ/ Rusiya və Türkiyənin aviasiya tənzimləyiciləri iki ölkə arasında yeni aviareyslərin açılması barədə razılığa gəliblər.

"Report" xəbər verir ki, bu barədə Türkiyənin mülki Aviasiya Baş İdarəsi məlumat yayıb.

Yeni aviareyslər İstanbul şəhərini "Jukovski" aeroportu, həmçinin Qroznı və Moskva şəhərlərini Antaliya vilayətindəki "Qazipaşa" hava limanı ilə bağlayacaq.