Yuxarı
    Bağlamaq

    Rusiya və İranın XİN başçıları Türkiyəyə səfər edəcəklər

    Xarici işlər nazirləri üç ölkə prezidentlərinin Soçi görüşünə hazırlıq məsələlərini müzakirə edəcəklər© AP Photo/ Ebrahim Noroozi — Rusiyanın xarici işlər naziri Sergey Lavrov və iranlı həmkarı Məhəmmədcavad Zərif

    Bakı. 17 noyabr. REPORT.AZ/ Rusiyanın xarici işlər naziri Sergey Lavrov və iranlı həmkarı Məhəmmədcavad Zərif bu həftənin sonunda Türkiyəyə səfər edəcəklər.

    “Report” “Haber7”yə istinadən xəbər verir ki, bunu Türkiyənin xarici işlər naziri Mövlud Çavuşoğlu bildirib.

    Onun sözlərinə görə, 3 ölkənin XİN başçıları Antalyada görüşəcəklər.

    Nazirlər Türkiyə Prezidenti Rəcəb Tayyib Ərdoğan, Rusiya rəhbəri Vladimir Putin və İran Prezidenti Həsən Ruhaninin noyabrın 22-də Rusiyanın Soçi şəhərində keçiriləcək üçtərəfli sammitində müzakirə olunacaq məsələlərin detallarını nəzərdən keçirəcəklər. 

    Qeyd edək ki, üç ölkənin lideri Suriyadakı və bölgədəki vəziyyət müzakirə edəcək. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi