KİV: Suriyada Rusiya və İran silahlıları arasında atışma: 2 ölü, 4 yaralı var

Suriyanın mərkəzi hissəsində yerləşən Deyrzor əyalətinin Mayadin rayonunda Rusiya hərbi polisi ilə İranın İnqilab Keşikçiləri Qvardiyasının döyüşçüləri arasında atışma baş verib.

“Report” “Yeniakit”ə istinadən xəbər verir ki, hadisə nəticəsində İranın 2 hərbçisi ölüb, Rusiyanın 4 hərbçisi yaralanıb.

İran və Rusiya hadisə ilə bağlı hələ ki rəsmi açıqlama yaymayıblar.

Qeyd edək ki, cari ilin yanvarında Rusiyanın dəstəklədiyi “Qaplan qüvvələrinin 5-inci birliyi” ilə Bəşşar Əsədin qardaşı Mahir Əsədin komandanlığı altında olan silahlılar və İranın dəstəklədiyi “4-cü firka” arasında atışma olmuşdu.