Bakı. 19 dekabr. REPORT.AZ/ Rusiya Federasiyasının İstintaq Komitəsi (İK) ölkənin Türkiyədəki səfirinə silahlı hücum faktı ilə bağlı cinayət işi qaldırıb.
"Report" xəbər verir ki, bu barədə İK-nin rəsmi nümayəndəsi Svetlana Petrenkoya istinadən RNS məlumat yayıb.
"İstintaq Komitəsi Rusiyanın Türkiyədəki səfiri Andrey Karpova hücum faktı ilə bağlı Cinayət Məcəlləsinin "Beynəlxalq müdafiədən istifadə edən şəxslərə və ya idarəyə qarşı hücum" maddəsi üzrə cinayət işi qaldırıb", - deyə Petrenko bildirib.