​Rusiya prezidenti İranın ali rəhbərinin müşaviri ilə görüşüb

Bakı. 4 fevral. REPORT.AZ/ Rusiya prezidenti Vladimir Putin İranın ali rəhbəri ayətullah Seyid Əli Xameneinin xarici siyasət üzrə müşaviri Əliəkbər Vilayəti ilə görüşüb.

"Report" xəbər verir ki, bu haqda Kremlin mətbuat xidməti məlumat yayıb.

Görüşün təfərrüatı haqda xəbər verilməyib.

Qeyd edək ki, Əliəkbər Vilayəti fervarlın 1-dən Rusiyada səfərdədir. O bu müddət ərzində Moskvada Rusiya prezidentinin Suriya üzrə nümayəndəsi Aleksandr Lavrentiyev, Təhlükəsizlik Şurasının katibi Nikolay Patruşevlə də görüşüb.

Xatırladaq ki, Ə.Vilayəti 1981-1997-ci illərdə İranın xarici işlər naziri vəzifəsində çalışıb.