​Rusiya prezidenti: "İran tərəfdən nüvə təhdidi yoxdur"

Bakı. 13 may. REPORT.AZ/ "İran tərəfdən nüvə təhlükəsi yoxdur, ancaq ABŞ Raket Əleyhinə Müdafiə Sistemini yaratmağı davam etdirir".

"Report" "RİA Novosti"yə istinadən xəbər verir ki, bunu Rusiya prezidenti Vladimir Putin ölkənin hərbi rəhbərliyi ilə görüşdə bildirib.

"İran tərəfdən nüvə təhdidi haradadır? Belə şey yoxdur. ABŞ İranla müqaviləni imzalayanlardan biri, onun təşəbbüskarıdır. Əslində, bu, düzgün addım idi. Biz də dəstəklədik. Ancaq indi İran tərəfdən nüvə təhlükəsi yoxdur. Bununla belə, ABŞ Raket Əleyhinə Müdafiə Sistemini yaratmağı davam etdirir".