Yuxarı

​Rusiya prezidenti britaniyalı müğənni Elton Cona zəng edib

Bu barədə Vladimir Putinin mətbuat katibi bildirib

Bakı. 26 sentyabr. REPORT.AZ/ Bu yaxınlarda "telefon oyunbazları" tərəfindən Rusiya prezidenti adından danışılaraq ələ salınan britaniyalı müğənni Elton Con, hər halda Vladimir Putin ilə danışmağa müvəffəq olub.

"Report" xəbər verir ki, Kremldən verilən məlumata görə, Vladimir Putin sentyabrın 24-də özü şəxsən musiqiçi ilə telefonda söhbət edib.

Rusiya prezidentinin mətbuat katibi Dmitri Peskovun sözlərinə görə, Putin hətta həmsöhbətinə onunla görüşəcəyinə və onu maraqlandıran istənilən mövzu ətrafında müzakirə aparacağına dair vəd verib.

"Putin Conun nə dərəcədə məşhur ifaçı olduğunu bildirib və əmin edib ki, gələcəkdə onların iş cədvəli uyğun gələrsə, o müğənni ilə görüşməyə hazırdır", - deyə Kreml rəsmisi qeyd edib.

Rusiya lideri, həmçinin müğənnidən telefon xuliqanlarının onu ələ salmalarından inciməməyi xahiş edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi