Yuxarı
    Bağlamaq

    Rusiya hökuməti təcili iclas keçirir

    Ötən gün ölkənin iqtisadi inkişaf naziri Aleksey Ulyukayevə qarşı cinayət işi açılıb

    Bakı. 16 noyabr. REPORT.AZ/ Rusiya hökuməti təcili olaraq toplantı keçirir.

    “Report” “İnterfax”a istinadən xəbər verir ki, iclas Bakı vaxtı ilə saat 13:00-da başlayacaq.

    “Sizinlə bir məsələni məsləhətləşmək istəyirəm. Gündəliyimizin vaxtında dəyişiklik olub. Saat 12:00-da (Moskva vaxtı ilə - “Report”) hökumətin təcili iclası olacaq”, - deyə Rusiya Federasiya Şurasının sədri Valentina Matviyenko noyabrın 16-da şuranın toplantısında bildirib.

    Xəbərdə onun iclasın çağırılma səbəbi haqda məlumat vermədiyi vurğulanıb.

    Qeyd edək ki, ötən gün Rusiyanın iqtisadi inkişaf naziri Aleksey Ulyukayevə qarşı cinayət işi açılıb. O, "Başneft"in dövlət səhmlərinin "Rosneft"ə satılması ilə bağlı sövdələşmənin müsbət qiymətləndirilməsi üçün 2 milyon dollar məbləğində rüşvət almaqda şübhəli bilinir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi