Rusiya HKQ perspektiv ZRK S-500 əldə edəcək

Bakı. 8 Aprel. REPORT.AZ/ Rusiya Hava-Kosmik qüvvələri perspektiv S-500 zenit-raket kompleksinin tədarükünü gözləyir.

“Report” TASS-a istinadən xəbər verir ki, bu barədə Rusiya HKQ Baş komandanı, general-polkovnik Viktor Bondarev bildirib.

Onun sözlərinə görə, sənaye inkişaf edir, ən yeni S-500 kompleksi hazırlanır və tezliklə o, Hava Hücümundan Müdafiə Qoşunlarının arsenalına daxil olacaq.

O, həmçinin qeyd edib ki, HKQ-ya hər il 5 ədəd S-400 zenit-raket sistemi verilir.