Bakı. 23 oktyabr. REPORT.AZ/ Rusiya Nazirlər Kabineti ölkə prezidenti Vladimir Putinə Ermənistan ərazisində regional Hava Hücumudan Müdafiə Sistemi yerləşdirməyi təklif edib.
"Report" TASS-a istinadən xəbər verir ki, bu haqda Nazirlər Kabinetinin rəsmi saytında məlumat yayılıb.
Hökumət məsələ ilə bağlı qərar layihəsi də qəbul edib. Nazirlər Kabinetinin qərarında deyilir ki, Qafqazda kollektiv təhlükəsizliyi təmin etmək üçün Rusiya Ermənistanda Hava Hücumudan Müdafiə Sistemi yerləşdirməlidir.