Bakı. 4 İyul. REPORT.AZ/ Rusiya Ermənistana silah almaq və silahlı qüvvələrini təkmilləşdirmək üçün 200 milyon dollar məbləğində kredit ayırıb.
"Report" "Azadlıq Radiosu"na istinadən xəbər verir ki, Ermənistanın müdafiə naziri Ara Nazaryan iyulun 2-də elan edib ki, ölkənin silahlı qüvvələri regionda qüvvələr balansına əhəmiyyətli təsir göstərəcək yeni silah-sursat alacaqlar.
Ermənistan parlamentariləri ötən həftə İrəvanda Rusiya ilə imzalanan kredit sazişini təsdiq edib.
Kredit üç illik güzəşt dövrü və illik 3 faiz dərəcəsi ilə növbəti 13 il müddətinə ödənilməlidir. Vəsait 2015-2017-ci illər dövründə güzəştlə Rusiya silahlarının alınmasına sərf olunacaq.