Yuxarı

​Rusiyada 110 min polis ixtisar olunacaq

Hazırda bu qurumun bir milyondan çox əməkdaşı var

Bakı. 13 iyul. REPORT.AZ/ Rusiya Daxili İşlər Nazirliyi (DİN) 110 min əməkdaşını ixtisar edəcək.

"Report" BBC-yə istinadən xəbər verir ki, bunu nazirliyin mətbuat xidməti bildirib.

Məlumata əsasən, Rusiya prezidenti Vladimir Putin məsələ ilə bağlı uyğun fərman imzalayıb.

Xəbərdə bildirilib ki, ixtisar vilayət və daha yüksək səviyyədəki idarələrin, eləcə də hələ komplektləşdirilməmiş qurumların hesabına aparılacaq.

Müəssisə və obyektlərin qaravulçuları da ixtisar olunacaq. Bundan sonra həmin işi özəl mühafizə təşkilatları həyata keçirəcək.

Qeyd edək ki, bu ilin martında daxili işlər naziri Vladimir Kolokoltsev nazirliyin xərcləri və şəxsi heyətin ixtisar ediləcəyini bildirmişdi. Məlumata görə, bu tədbir nazirliyin 2015-ci il üçün nəzərdə tutulan maliyyə xərclərinin azaldılması ilə bağlıdır. Hazırda bu qurumun bir milyondan çox əməkdaşı var.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi