Yuxarı

Rusiya BMT-nin İnsan Haqları Şurasından kənarda qalıb

Rusiya BMT-nin İnsan Haqları Şurasından kənarda qalıb
Moskva Şuraya seçilmək üçün kifayət qədər səs toplaya bilməyib

Bakı. 29 oktyabr. REPORT.AZ/ Rusiya BMT-nin İnsan Haqları Şurasına seçilmək üçün kifayət qədər səs toplaya bilməyib.

"Report" xəbər verir ki, Şərqi Avropa dövlətlərindən iki yeri Xorvatiya və Macarıstan tutacaq.

Bu gün BMT Baş Assambleyası 2017-2019-cu illər üçün BMT İnsan Haqları Şurasına 14 yeni üzv seçib. Şuraya Şərqi Avropadan namizədliyini irəli sürən Rusiya 112 səs toplayıb.

Sonda Şurada Şərqi Avropa dövlətlərindən iki yeri 114 səslə Xorvatiya və 144 səs toplayan Macarıstan tutacaq.

Bundan əlavə, 1 yanvar 2017-ci il tarixindən üç illik dövr ərzində Şuraya Braziliya, Böyük Britaniya, Misir, İraq, Çin, Kuba, Ruanda, Səudiyyə Ərəbistanı, Tunis, CAR, ABŞ və Yaponiya daxil olacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi