Yuxarı
    Bağlamaq

    Rusiya Baş nazirinin müavini: Çörək və unun qiyməti artmaqda davam edəcək

    Arkadiy Dvorkoviç ölkədə yaxın zamanlarda un və çörəyin qiymətinin artmaqda davam edəcəyini bildirib

    BAKI. 19 yanvar. REPORT.AZ/ Rusiya Baş nazirinin müavini Arkadiy Dvorkoviç ölkədə yaxın zamanlarda un və çörəyin qiymətinin artmaqda davam edəcəyini bildirib.

    "Report"un BBC-yə istinadən məlumatına görə, Dvorkoviç deyib ki, fevral ayından taxılın ixracına rüsum qoyulsa da, bahalaşma yaxın aylarda davam edəcək.

    "Rüsüm yeridiləndən sonra taxıl ucuzlaşmağa başlayıb, buna baxmayaraq, yaxın aylarda çörək və unun bahalaşması tendensiyası davam edəcək", - Dvorkoviç deyib.

    Baş nazir müavininin sözlərinə görə, hökümət hələlik qiymət tənzimlənməsini tətbiq etməsə də, qiymət artımının uzun müddət davam edəcəyi və 30 faizə çatacağı halda, bu variant istisna olunmur.

    Dvorkoviçə görə qiymət tənzilənməsi ərzağın çatışmazlığına gətirib çıxara bilər.

    Dövlət Dumasında "Yedinaya Rossiya" fraksiyasının iclasında çıxış edən Arkadi Dvorkoviç bildirib ki, bundan əvvəl, misal üçün qarabaşaq yarmasına qiymətin dondurulması bu məhsulun qıtlığı ilə nəticələnmişdi.

    O, qeyd edib ki, Rusiyada qarabaşaq yarmasına daxili qiymətlər bu məhsulun digər iri dünya istehsalçısı olan dövlətlərdəki qiymətdən, misal üçün Çindəki qiymətlərdən aşağıdır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi