Yuxarı
    Bağlamaq

    Rusiya Baş Prokurorluğu əmək miqrantları üçün federal kvota tətbiq etməyi təklif edib

    RD baş prokurorun müavininin sözlərinə görə, hazırda qüvvədə olan sistem Rusiya vətəndaşlarının paritet məşğulluq prinsipini təmin etmir

    Bakı. 8 oktyabr. REPORT.AZ/ RF Baş Prokurorluğu Rusiya müəssisələrində xarici işçi qüvvəsindən istifadə üçün federal kvota tətbiq etməyi təklif edib. "Report" İTAR-TASS-a istinadən xəbər verir ki, bu barədə RF Qanunvericilər Şurası və millətlərarası münasibətlər və dini təşkilatlarla qarşılıqlı fəaliyyət üzrə Məşvərət Şurası prezidiumunun birgə iclasında RF baş prokurorunun müavini Viktor Qrin bəyan edib. 

    Onun sözlərinə görə, hazırda RF-də qüvvədə olan xarici işçi qüvvəsinin cəlb olunması və istifadə edilməsi sistemi dövlət siyasətinin xarici əmək miqrasiyası sahəsində əsas prinsipi Rusiya vətəndaşlarının paritet məşğulluq prinsipini təmin etmir.

    V.Qrin müəssisə və təşkilatlarda xarici işçilər üçün icazə verilməsi ilə bağlı iş yerlərinin son limitinin federal səviyyədə tətbiq edilməsini təklif edib. Baş prokurorluğun nümayəndəsi həmçinin miqrantların sosial, mədəni uyğunlaşma və inteqrasiyası haqqında qanun layihəsinin tezliklə qəbul edilməsinin lehinə çıxış edib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi