İran Prezidenti: "Ermənistana təbii qazın həcmini artırmağa hazırıq"

Bakı. 27 fevral. REPORT.AZ/ “İran tərəfi Ermənistana təbii qazın həcmini artırmağa hazırdır”.

“Report” Ermənistan KİV-inə istinadən xəbər verir ki, bunu İran Prezidenti Həsən Ruhani fevralın 27-də Ermənistanın Baş naziri Nikol Paşinyanla keçirdiyi birgə mətbuat konfransında bildirib.

“Biz Gürcüstana qazın ixracı üzrə üçtərəfli, Rusiyanın da iştirakı ilə dördtərəfli əməkdaşlığı inkişaf etdirməyə hazırıq. Bizim müzakirə etdiyimiz məsələlərdən biri Ermənistanın yardımı ilə Körfəzlə Qara dənizin əlaqəsini təmin etmək olub”.