​Robert Köçəryanın evinə qumbara atılıb

Bakı. 16 aprel. REPORT.AZ/ İrəvan polisinə Ermənistanın ikinci prezidenti Robert Köçəryanın evinə hücum edilməsi faktı ilə bağlı məlumat daxil olub.

"Report" erməni mətbuatına istinadən xəbər verir ki, bu barədə Ermənistan polisinin ictimaiyyətlə əlaqələr idarəsinin rəhbəri Aşot Aqaronyan məlumat verib.

Məlumata görə, sabiq prezidentin malikanəsinə qumbara atılıb. Hazırda hadisə yerində əməliyyat qrupu işləyir, digər təfərrüatlar barədə məlumat verilmir.