Yuxarı

​Rəcəb Tayyib Ərdoğan Dəniz Baykalla görüşəcək

Görüş prezident sarayında keçiriləcək

Bakı. 10 iyun. REPORT.AZ/ Türkiyə prezidenti Rəcəb Tayyib Ərdoğan Cümhuriyyət Xalq Partiyasının keçmiş sədri, 7 iyun seçkisində yenidən deputat seçilən Dəniz Baykalla görüşəcək.

"Report" xəbər verir ki, bu haqda Türkiyə KİV-i məlumat yayıb.

Xəbərə görə, Türkiyə prezidenti Antalyadan deputat seçilən Dəniz Baykala bu gün dəvət göndərib. D.Baykal prezidentlə görüşmək üçün bu gün Antalyadan Ankaraya qayıdacaq. Görüş Ankarada, Beştəpədəki prezident sarayında keçiriləcək.

Xatırladaq ki, Dəniz Baykal 1995-2010-cu illərdə Cümhuriyyət Xalq Partiyasının sədir olub. O, Böyük Millət Məclisinə yeni sədr seçilənədək ən yaşlı deputat kimi iclaslara sədrlik edəcək. D.Baykal 1938-ci ildə anadan olub. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi