Yuxarı

​Rəbiyə Kader: "Sırf dini ayinlərə əməl etdikləri üçün uyğur kəndliləri öldürülür"

Dünya Uyğur Konqresinin başçısı G7nin liderlərinə müraciət edib

Bakı. 26 may. REPORT.AZ/ "Çin hakimiyyəti və etnik haanlar sülhsevər uyğur cəmiyyətini məhv edir. Uyğurları öldürür, onlara müsəlman olduqları üçün təzyiqlər edirlər. Sırf dini ayinlərə əməl etdikləri üçün uyğur kəndliləri öldürülür".

"Report" xarici KİV-ə istinadən xəbər verir ki, bu fikirləri Dünya Uyğur Konqresinin lideri Rəbiyə Kader "Böyük yeddiliyin" ("G7") liderlərinə Yaponiyanın Tokio şəhərində keçirdiyi məbuat konfransında müraciətində vurğulayıb.

"G7" sammitinin müzakirə etdiyi əsas mövzu terorçuluğa qarşı mübarizə və miqrantlarla bağlı məsələdir. Dünya uyğur qaçqınları ilə bağlı üzərinə götürdüyü məsuliyyəti yerinə yetirməyə məcbudur. Uyğurların üzləşdiyi vəziyyətin "G7" liderlərinin sammitinin gündəliyinə gələcəyinə ümid edirəm", - deyə Rəbiyə Kader bildirib.

Xatırladaq ki, Yaponiyada "Böyük yeddilik" ("G7") ölkələri liderlərinin 42-ci ənənəvi illik toplantısı keçirilir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi