Bakı. 16 iyul. REPORT.AZ/ Türkiyədə dövlət çevrilişinə cəhd edən qiyamçı hərbçilərin ölkəni tərk etməməsi üçün sərhəd-buraxılış məntəqələrinə xüsusi tapşırıq verilib.
"Report" xəbər verir ki, bu barədə "Anadolu" agentliyi məlumat yayıb.
Agentliyin xəbərinə görə, yüksək vəzifədə olan və Fətullah Gülən Terror Təşkilatı (FETÖ) üzvü olduğu müəyyənləşdirilənlərin xaricə qaçacaqları barədə məlumat daxil olub: "Ona görə də sərhəd-buraxılış məntəqələrində xüsusi rejimə keçirilib".