Qırğız Respublikasının prezidenti Qazaxıstana rəsmi səfər edəcək

Bakı. 23 dekabr. REPORT.AZ/ Qırğız Respublikasının prezidenti Sooronbay Jeenbekov dekabrın 25-26-da Qazaxıstana ikigünlük rəsmi səfər edəcək.

"Report" "AKİpress"ə istinadən xəbər verir ki, bunu Qırğız Respublikası Prezident Administrasiyasının Xarici siyasət bölməsinin müdiri Ayzadə Subakojoyeva bildirib.

Sooronbay Jeenbekovu Qazaxıstan prezidenti Nursultan Nazarbayev dəvət edib.

Səfər çərçivəsində iki ölkə arasında sərhəd rejimi üzrə razılaşma, sərhədlərin demarkasiyası haqqında müqavilə imzalanacaq.