Bakı. 17 fevral. REPORT.AZ/ Qazaxıstanda qar uçqunu nəticəsində 7 hərbçi ölüb.
“Report” “İnterfax”a istinadən xəbər verir ki, bunu Qazaxıstan Daxili İşlər Nazirliyinin Fövqəladə Hallar üzrə Komitəsinin təmsilçisi Ruslan İmankulov bildirib.
Onun sözlərinə görə, indiyədək aparılan axtarış-xilaetmə tədbirləri nəticəsində uçqunun altından 10 hərbçi çıxarılıb.
Axtarış-xilaetmə işləri davam edir.
*** 15:16
Qazaxıstanın cənubunda Janbıl vilayətinin Koksay dərəsində keçirilən hərbi təlim zamanı qar uçqunu olub.
“Report” Qazaxıstan KİV-inə istinadən xəbər verir ki, bu barədə ölkə Müdafiə Nazirliyinin mətbuat xidməti məlumat yayıb.
Xəbərdə bildirilib ki, hazırda axtarış-xilasetmə işləri aparılır.
“Janbıl vilayətinin Koksay dərəsində əsgərlərin plana uyğun olaraq döyüş hazırlığı yoxlanılarkən qəflətən qar uçqunu yaranıb”, - deyə nazirlikdən bildirilib.
Hadisə ilə bağlı başqa məlumat yayılmayıb.