Yuxarı
    Bağlamaq

    Qırğızıstanda MDB ölkələri Xarici İşlər Nazirləri Şurasının iclası keçiriləcək

    İştirakçılar MDB ölkələri polislərinin əməkdaşlığının mühüm məsələlərini müzakirə edəcəklər

    Bakı. 3 sentyabr. REPORT.AZ/ Sentyabr ayının 4-6-da Çolpon-Atedə (Qırğızıstan) Müstəqil Dövlətlər Birliyi (MDB) dövlətlərinin Xarici İşlər Nazirləri Şurasının (MDB XİNŞ) iclası keçiriləcək. Report MDB İcraiyyə Komitəsinə istinadən xəbər verir ki, tədbirin gündəliyinə on məsələ daxil edilib. Şura üzvləri MDB ölkələri DİN (polis) əməkdaşlığının prioritet məsələlərini və cinayətkarlıqla mübarizə dövlətlərarası proqramlarının həyata keçirilmə proseslərini müzakirə edəcəklər. 

    Bundan başqa, iclasda şəxslərin səlahiyyətli orqanlar tərəfindən dövlətlərarası axtarışı və yetkinlik yaşına çatmayan şəxslərin daimi yaşadığı dövlətlərə qaytarılması, eləcə də informasiya texnologiyalarından istifadə etməklə törədilən cinayətlərlə mübarizə ilə bağlı sənəd layihələrinin müzakirəsi planlaşdırılır.  

    Şura üzvləri Daxili İşlər nazirlikləri sisteminin müəssisələri tərəfindən birgə elmi tədqiqatların keçirilməsi üçün şəraitin təmin olunması istiqamətində MDB XİNŞ yanında Elmi-Konsultasiya Şurası işinin təşkil olunması məsələlərini də müzakirə edəcəklər. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi