Yuxarı

​Putin və Ərdoğan görüşməyəcək

Dmitri Peskov bu məsələ ilə bağlı açıqlama verib

Bakı. 30 noyabr. REPORT.AZ/ Türkiyə prezidenti Rəcəb Tayyib Ərdoğanla Rusiya prezidenti Vladimir Putin Parisdə BMT-nin iqlim dəyişikliyi üzrə 21-ci konfransı (COP21) çərçivəsində görüşməyəcək.

"Report" TASS-a istinadən xəbər verir ki, bunu Rusiya prezidentinin mətbuat katibi Dmitri Peskov bildirib.

"Ərdoğanla Parisdə görüş planlaşdırılmayıb. Belə bir görüşdən söhbət gedə bilməz. Görüş olmayacaq", - mətbuat katibi söyləyib.

O, "Türkiyə sərhədini pozan Rusiya təyyarəsi pilotunun meyitinin ölkəsinə qaytarılmasını Ankaranın Moskva ilə münasibətləri normallaşdırmaq niyyəti kimi qəbul etmək olarmı" sualına cavabında isə bu məsələ ilə bağlı başqa açıqlama vermək istəmədiyini vurğulayıb.

Qeyd edək ki, bu gün Parisdə BMT-nin iqlim dəyişikliyi üzrə 21-ci konfransı (COP21) başlayır. Forumun işində 150-yə yaxın dövlət və hökumət başçısı, o cümlədən Putin və Ərdoğan iştirak edir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi