Yuxarı
    Bağlamaq

    Putin: "Prezident Trampın işini mən qiymətləndirməli deyiləm"

    Prezident kimi onun ciddi nailiyyətlərini görürük© AFP 2017/ DON EMMERT — Rusiya prezidenti Vladimir Putin

    Bakı. 14 dekabr. REPORT.AZ/ "Prezident Trampın işini mən qiymətləndirməli deyiləm, bunu Amerika xalqı etməlidir".

    "Report" xəbər verir ki, bunu Rusiya prezidenti Vladimir Putin Moskvada keçirilən 13-cü illik mətbuat konfransında deyib.

    Rusiya prezidenti bildirib ki, Tramp ABŞ prezidenti kimi, onun fikrincə, müəyyən uğurlar qazana bilib: "Prezident kimi onun ciddi nailiyyətlərini görürük. Bazarlara baxın, onlar necə yüksəlib. Bu, investorların ABŞ iqtisadiyyatına etimadını göstərir".

    V.Putin Rusiya və ABŞ-ın əlaqələrini normallaşdıracağına və ölkələrin ümumi təhdidləri birlikdə ortadan qaldıracağına ümid etdiyini bildirib.

    ABŞ KİV-ində Rusiyanın 2016-cı ildə Birləşmiş Ştatlarda keçirilən prezident seçkilərinə təsiri məsələsini toxunan V.Putin deyib: "Bütün bunları Trampa münasibətdə müxalif olan qüvvələr fikirləşib. Onlar Trampın seçilməsinə qanunsuz xatakter vermək istəyirlər. Bunu edənlər dövlət başçısına ziyan vurur, onu üzürlər, seçicilərə hörmət etmirlər".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi