Yuxarı
    Bağlamaq

    ​Putin Parisdə sammitin şəkilçəkdirmə mərasiminə niyə gecikdiyini izah edib

    Bu sırf texniki problem idi

    Bakı. 01 dekabr. REPORT.AZ/ Rusiya prezidenti Vladimir Putin iqlim sammitinə gecikməyini iş qrafiki ilə izah edib.

    "Report" TASS-a istinadən xəbər verir ki, o, bunun sırf texniki problem olduğunu bildirib.

    "Mənim şəkilçəkdirmə və hansısa dini mərasimdə iştirak etməməyim, təkrar edirəm, sırf texniki xarakterli məsələ idi. Bu, iş qrafiki və bizim bu gün burada həm sessiyada (İqlim konfransı), həm də ikitərəfli görüşlərdə deməli olduğumuz bütün detalların sonadək həmkarlarla müzakirə edilməsi zərurəti ilə bağlı idi", - deyə o, Parisə səfərinin yekununda jurnalistlərin diqqətinə çatdırıb.

    Putin Parisə digər liderlərdən bir qədər sonra gəlib və şəkilçəkdirmə mərasimi ilə terror aktı qurbanlarının xatirəsinə bir dəqiqəlik sükutu buraxmalı olub.

    Bu, insanların Putinin Türkiyə prezidenti Rəcəb Tayyib Ərdoğan ilə görüşdən yayınmaq üçün bu cür davrandığını güman etməsinə əsas verib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi