Yuxarı
    Bağlamaq

    Prezident Administrasiyası: "Qırğız prezidenti oteldə öz hesabına qalır"

    Almazbek Atambayev sentyabrın sonlarınadək Türkiyədə müalicə olunacaq

    Bakı. 22 sentyabr. REPORT.AZ/ "Qırğız Respublikasının Prezidenti Almazbek Atambayev Türkiyədə oteldə öz hesabına qalır".

    "Report" "Sputnik-Qırğızıstan"a istinadən xəbər verir ki, bu barədə Prezident Administrasiyası açıqlama verib.

    Bildirilib ki, Qırğız Prezidenti Almazbek Atambayev Türkiyənin İzmir şəhərində "Şereton" otelində öz hesabına qalır.

    Ümumiyyətlə, sosial şəbəkələrdə dövlət başçısının bahalı, təmtəraqlı oteldə dövlət hesabına qaldığı haqqında fikirlər yayılıb. Həmin fikirlərə əsasən, prezident qaldığı otel otağına görə, sutkada 11 min dollar ödəyir. Bu oteldə lüks nömrədə qalmağın sutkalıq qiyməti 850 dollar, "penthaus" otağın sutkalıq qiyməti isə 6400 dollardır.

    Qırğız Respublikasının prezidenti Almazbek Atambayev Türkiyənin İzmir əyalətinin Çeşme rayonunda həkim nəzarəti altında istirahət edir. O, sentyabrın sonlarınadək Türkiyədə müalicə olunacaq.

    Qırğız Respublikası prezidentinin mətbuat xidməti Almazbek Atambayevin səhhətinin pisləşməsi ilə bağlı tibbi müayinədən keçmək məqsədilə məzuniyyətə çıxdığını açıqlayıb. Məzuniyyət oktyabrın 1-dək davam edəcək.

    Xatırladaq ki, sentyabrın 19-da Qırğız prezidenti ürəyindəki problemlərlə əlaqədar Nyu-Yorkda keçirilən BMT Baş Assambleyasının 71-ci sessiyasında iştirakdan imtina edib. Bəzi KİV-lər isə dövlət başçısının səhhətinin ağır olduğu barədə məlumat yayıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi