Bakı. 29 sentyabr. REPORT.AZ/ Türkiyənin cənub-şərqindəki Batman vilayətində terrorçular polis əməkdaşını qətlə yetiriblər.
“Report”un Türkiyə mətbuatına istinadən verdiyi məlumata görə, PKK terrorçuları yola yerləşdirdikləri partlayıcı qurğunu polis maşını keçdiyi sırada işə salıblar. Partlayış nəticəsində bir zabit ölüb, 8 nəfər yaralanıb.
Terrorçuların məhv edilməsi məqsədi ilə bölgədə geniş miqyaslı əməliyyat başladılıb.