Yuxarı
    Bağlamaq

    PKK Kərkükdəki terrorçularının sayını artırıb

    İraq hökuməti onlara maaş belə ödəyir

    Bakı. 30 noyabr. REPORT.AZ/ İranyönlü “Haşdi Şəbi” və terrorçu PKK qruplaşmaları İraqın Kərkük şəhərindəki silahlılarının sayını artırıb.

    “Report” "Haber 7"yə istinadən xəbər verir ki, İŞİD-in Kərkükə hücumlarından sonra İraq hökuməti şəhərdəki “Haşdi-Şəbi” silahlılarının sayını çoxladıb, terrorçu PKK silahlılarının sayı da artıb.

    İnformasiyaya görə, PKK silahlıları İŞİD-ə qarşı mübarizə aparmaq üçün bölgəyə gəlsə də, Kərkükdə qərargah quraraq, şəhərdən çıxmayıblar.

    Rəsmi Bağdad bu günədək terrorçu PKK ilə qeyri-rəsmi əlaqə qurub. İraq hökuməti Kərkükdəki terrorçu PKK üzvlərinə maaş belə ödəyir. Məlumata görə, rəsmi Bağdadın “Haşdi Şəbi”yə verdiyi silahların müəyyən hissəsinin PKK-ya ötürüləcəyi ehtimal edilir. PKK-ya nömrəli deyil, xaricdən gətirilən nömrəsiz silahlar veriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi