Moskvada Rusiya-Türkiyə elmi mərkəzi bağlanıb

Bakı. 01 dekabr. REPORT.AZ/ Moskvada Rusiya-Türkiyə elmi mərkəzi bağlanıb.

"Report"un verdiyi xəbərə görə, mərkəz əməkdaşlarının müraciətində deyilir ki, qərarın hansı səbəbdən qəbul olunduğu məlum deyil.

Mərkəz Rudomino adına Ümumrusiya xarici ədəbiyyat kitabxanasının nəzdində fəaliyyət göstərirdi.

Təşkilat ikitərəfli elmi mübadilənin inkişafı, ölkələrin öyrənilməsinə dəstək, dəyirmi masalar, seminarlar, konfranslar, qış və yay məktəblərinin təşkili, həmçinin Rusiyada türk dilində kitabxana fondu və Türkiyədə rusdilli tədqiqat fondunun yaradılması ilə məşğul idi.