Özbəkistanın yeni seçilən prezidenti ilk rəsmi səfərini Rusiyaya edəcək

Bakı. 7 dekabr. REPORT.AZ/ Özbəkistanın yeni seçilən prezidenti Şövkət Mirziyoyev dövlət başçısı kimi ilk xarici səfərini Rusiyaya edəcək.

“Report” “İzvestiya” qəzetinə istinadən xəbər verir ki, Özbəkistan tərəfi rəsmi xarakter daşıyan bu səfərlə bağlı artıq hazırlıq işlərinə başlayıb.

Rusiya prezidentinin mətbuat katibi Dmitiri Peskov da Ş.Mirziyoyevin ilk rəsmi səfərini Moskvaya edəcəyini təsdiqləyib.

Qeyd edək ki, Rusiya prezidenti Vladimir Putin Özbəkistanda keçirilən prezident seçkilərindən sonra Ş.Mirziyoyevi qələbə münasibətilə təbrik edib və onu Moskvaya rəsmi səfərə dəvət edib. 

Xatırladaq ki, dekabrın 4-də Özbəkistanda keçirilən növbədənkənar prezident seçkisində Ş.Mirziyoyev 88,61 faiz səs toplayıb.