Yuxarı
    Bağlamaq

    Norveç Türkiyənin 5 zabitinə siyasi sığınacaq verib

    Onlar Norveçdə ünvanı gizli saxlanılan yerdə yaşayacaqlar

    Bakı. 22 mart.REPORT.AZ/ Norveç Türkiyənin 5 zabitinə siyasi sığınacaq verib. 

    “Report” Türkiyə KİV-inə istinadən xəbər verir ki, bu qərarla onlar Norveçdə yaşaya və işləyə biləcəklər.

    Məlumata görə, Fətullahçı Terror Təşkilatının (FETÖ) ötən il iyulun 15-də Türkiyədə dövlət çevrilişinə cəhdindən sonra NATO-da xidmət edən 4 türk zabiti və 1 hərbi attaşe sığınacaq almaq üçün Norveç hökumətinə müraciət edib. Norveçin Miqrasiya Xidməti onların müraciətinə müsbət cavab verib.

    Zabitlərin və hərbi attaşenin vəkili Kjell M. Brygfjeld Norveçin sığınacaq müraciətinə müsbət cavab veridiyini təsdiqləyib.

    Ailə üzvlərinin də sığınacaq almaq müraciəti qəbul olunan NATO zabitləri və attaşe Norveçdə ünvanı gizli saxlanılan yerdə yaşayacaqlar.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi