Yuxarı
    Bağlamaq

    ​NATO-nun Gürcüstanda təlim-tədris bazasının açılışı olub

    Mərasimdə hərbçilərin andiçmə mərasimi də keçirilib

    Bakı. 27 avqust. REPORT.AZ/ Bu gün Tbilisi yaxınlığında, Krtsanisi milli təlim-məşq mərkəzinin ərazisində NATO-nun təlim-tədris bazasının rəsmi açılışı olub.

    "Report" Gürcüstan KİV-inə istinadən xəbər verir ki, tədbirdə Gürcüstan prezidenti, ali baş komandan Georgi Marqvelaşvili, baş nazir İrakli Qaribaşvili, NATO-nun baş katibi Yens Stoltenberq iştirak edib.

    Mərasimdə hərbçilərin andiçmə mərasimi də keçirilib.

    Gürcüstanın NATO-ya üzv olmağa səy göstərməsi haqda tədbirlər paketi 2014-cü il sentyabrın 4-5-də NATO-nun Uelsdə keçirilən sammitində qəbul olunub. Mərkəzin açılması ilə bağlı sənəd tədbirlər paketinə daxildir. Həmin sənədə əsasən, mərkəz alyans və NATO-nun müttəfiq dövlətləri hərbçilərinin təlim keçməsi üçün nəzərdə tutulub.

    Tərbirdən sonra prezident sarayında Gürcüstanın dövlət başçısı ilə NATO-nun baş katibi arasında rəsmi görüş keçiriləcək. Həmin görüşün ardınca tərəflərin birgə bəyanatla çıxış edəcəyi gözlənilir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi