Bakı. 18 may. REPORT.AZ/ "NATO Türkiyə və Suriya sərhədindəki vəziyyətdən narahatdır".
"Report" "RİA Novosti"yə istinadən xəbər verir ki, bunu NATO-nun baş katibi Yens Stoltenberq Brüsseldə jurnalistlərə açıqlamasında bildirib.
O, Türkiyə ilə Suriya arasındakı vəziyyəti alyansa üzv dövlətlərin xarici işlər nazirlərinin toplantısında müzakirə edəcəklərini söyləyib: "Əlbəttə, biz bir sıra hücumları müşahidə etmişik. Bu hücumlar nəticəsində orada dinc, günahsız insanların ölməsi (Suriyadan Türkiyə ərazisinə atılan raketlər nəticəsində həyatını itirən dinc sakinləri nəzərdə tutur - "REPORT" ) bizdə narahatlıq yaradır. NATO Türkiyə ilə həmrəydir".
Qeyd edək ki, xarici işlər nazirlərinin iclası mayın 19-20-də Brüsseldə keçiriləcək.